Tolosaldeko Hitza

2007-12-11 | 12:30:36

Herriko plazari izena aldatu dio Alderdi Popularrak

Gaur goizean egindako Osoko Bilkuran hartu dute erabakia

Orain arte Txirrita izena zuen plazari, Askasunaren Plaza deituko zaio hemendik aurrera, PPk hartutako erabakiaren ondorioz. Regina Otaola alkateak ohar batean jakinarazitakoaren arabera, urgentziazko puntu batean erabaki dute orain arte Txirrita gudariaren plaza zenari izena aldatu eta Askatasunaren plaza deitzea, "bizilagunei gogorarazteko askatasuna egikaritzea dagokien eskubide bat dela". Honez gain, Udaletxeko balkoian eskegita zeuden bandera guztiak kentzea ere erabaki dute. Izan ere, erreta zegoen Espainiako bandera aldatzen saiatu da, baina ezin izan du, sokak kaltetuta zeudelako. Horregatik,Ikurriña eta Lizartzako bandera ere kendu egin ditu.

Erantzun 1

2007-12-06 | 12:19:30

Su eman diote Udaletxean eskegita zegoen Espainiako banderari

Honekin mezu hau zabaldu nahi izan dute:

Hitzara heldu den idatzi baten bidez, talde batek bere gain hartu du atzo gauean gauzatutako ekintza. Bertan, Lizartzako Udaletxean eskegita zegoen Espainiako banderari su eman zioten. Ekintzaren egileek azaldu bezala, "Lizartzan, Espainiar faxistek okupatua duten Udaletik bandera espainiarra desagertarazi dugu". Honekin, "Euskal Herriaren izatea ukatzen duten faxistei" mezu hau bidali nahi izan diete: "Hau ez da Espainia, ez eta Frantzia ere. Hau Euskal Herria da. Zuen banderak arrotzak dira hemen. Herri honek erabakiko du zein ikur eta bandera jarri".

Ez du erantzunik

2007-11-21 | 17:53:05

Argoteren aurka ariko da Olaetxea ostiralean

finalaurrekoa jokatu behar du Mallabian.

Argotek eta Olaetxeak bat egin dute eguerdian Mallabiko pilotalekuan pilota aukeraketaren aurrean: datorren ostiralean, gaueko hamarretan finalaurrea jokatuko dute, eta irabazleak Diazekin jokatu beharko du. Lau T'erdiko BBK Promozio Txapelketaren finalerako pasea emango du partidu honek. Biak "gustura" geratu dira eta hauexek dira pisuak: Argote: 105-103,1 g. Olaetxea: 104,1-104,1 g. Neurketa Localia Telebistak emango du larunbatean, 20:00etan.

Ez du erantzunik

2007-11-20 | 13:08:28

Libre utzi du epaileak 'Otaola auziagatik' epaituriko bizilaguna

Pello Olanok gaur deklaratu du Madrilen; "egindakoa ez dela larria eta honek ihes egiteko arriskurik ez dagoela" esan du Pedraz epaileak

Santiago Pedraz Espainiako Auzitegi Nazionaleko epaileak baldintzarik gabe libre utzi du gaur, Madrilen, Pello Olano Lizartzako (Gipuzkoa) bizilaguna, Jesus Alonso fiskalak honentzat neurriak eskatu arren Regina Otaola (PP) herriko alkateari ustez herio mehatxuak egiteagatik festetan.

Ez du erantzunik

2007-11-13 | 18:46:32

Jesus Alonso fiskalak Regina Otaola ustez mehatxatu zuenak inputatu bezala deklaratzea eskatuko du

Audientzia Nazionaleko Santiago Pedraz epaileari eskatuko dio fiskalak. Honela, ustez Regina Otaola mehatxatu zuen Lizartzako bizilagunak deklaratu beharko du. Irailaren 7an, Lizartzako festetan Otaolak ikurrina, Espainiako bandera eta herrikoa bertakoa altxatzea eskatu zuen egunean izan ziren ustezko mehatxuak.

Ez du erantzunik

2007-09-24 | 14:03:27

Espainiako Udalerri eta Probintzien Erakundean sartzeko eskaera egitea onartu dute ez ohiko udal batzarrean

Ordu erdi inguru iraun du udal batzarrak; PPk alkatetza hartu zuenetik laugarrena da

Lizartzako Udalak, PPren esku dagoena, Espainiako Udalerri eta Probintzien Erakundean sartzeko eskaera egitea onartu du ez ohiko udal batzarrean. Regina Otaola alkateak adierazi duenez, "Lizartza dagoeneko EUDELen parte da eta Espainiako Udalerri eta Probintzien erakundean sartuz gero Lizartzako Udala indartuko du Espainiako udalerrien baitan".

Ez du erantzunik

2007-09-22 | 16:32:32

Lizartzako manifestazioa debekatu du Grande Marlaskak

Prentsaurrekoa emango du gaur Lizartzan ezker abertzaleak

Ezker Abertzaleak prentsaurrekoa emango du manifestazioaren ordu berean Lizartzan. Izan ere, manifestazioa legez kanpo utzi du Espainiako Auzitegi Nazionaleko Grande Marlaskak. Epailearen arabera, legez kanpoko helburua du ekitaldiak: Regina Otaola PPko alkatearen agintearitzari kalte egitea.

Ez du erantzunik

2007-09-14 | 13:26:45

Otaola alkateak Lizartzako bizilagun baten kontra abiatutako auzia Auzitegi Nazionalera

Lizartzan Espainiako bandera festen baitan jarri izanagatik mehatxuak jaso zituen alkateak

Festen hasierako egunean PPko alkateak udaletxeko balkoian Espainiako bandera jarri zuen eta herritarrek egindako protestan parte hartu zuen auzipetuak. Alkateak salaketa jarri zuen haren aurka mehatxatu egin zuela esanez. "Terrorismo delitua" egon daitekeelakoan eraman dute auzia, Auzitegi Nazionalera.

Ez du erantzunik