Tolosaldeko Hitza

Eskaintza aldaketa izan da nabarmentzekoa larunbateroko azokan

Azoka ðð Fruitu eta barazki asko ikus zitezkeen mahaietan; neguko apaingarri landareak ere hasi dira dagoeneko.

Pablo alberdi

Udazkena gainean dugula esan genezake azokan atzo ikusitakoaren arabera. Fruta kopurua asko igo da oporrak eta gero, eta atzo sagar mota asko ikusi genituen. Reineta desberdinak, errezila, perlestina eta beste motatakoaka ere bai. Hauekin udareak, pikuak eta matxakanak saldu ziren.

Postuetan ere barazki asko ikusi genituen, ia gehienak udarakoa oraindik, baina nobedaderen bat edo beste ikusi genuen. Aurtengo lehenengo babarrun zuriak, oraindik lekatan aurkeztu ziren, eta hauekin, tomatea, baina, Ibarrako piparra edo eta kalabazina izan ziren nagusi mahaietan.

Berdura plazan ere dagoeneko hasi dira negu parteko apaingarri landareekin, eta datozen asteetan eskaintzak gora egingo du ziurrenik. Ziklamenak eta azaleak ere ikusi genituen.